Me në fund Brad Pitt takon fëmijët (Foto)

1

Brad Pitt kohëve të fundit ka kaluar kohë me gjashtë fëmijët e tij dhe të Angelina Jolie në shtëpinë e tij në Los Feliz në Kaliforni.

Sipas një burimi të afërt me aktorin, fëmijët e Pitt dhe Jolie kanë vizituar të atin e tyre pas goxha shumë kohe, pasi ishte bërë publike ndarja e çiftit.

Kohëve të fundit, aktori 53 vjeçar është fotografuar në studion e tij në Los Angeles ku dukej se kishte humbur disa kilogramë.

Menjëherë pas kësaj fotografie, shumë fansa thanë se ai kishte rënë në peshë, ndoshta nga mërzia e divorcit me Jolie, por kjo u përgënjeshtrua shpejt.

Burimet e afërta me ta thanë se Pitt ndihet shumë mirë, dhe se ai ka humbur kilogramë pasi i është përkushtuar palestrës.

Poashtu të njëjtat burime thanë se Pitt dhe Jolie mbajnë kontakte të vazhdueshme, pasi të dy duan më të mirën për fëmijët e tyre.

“Brad e di se Angelina është një nënë shumë e mirë”, ka thënë ky burim.

Në muajin shkurt, aktorja ishte emocionuar shumë kur ishte pyetur për situatën e re të krijuar në familjen e saj.

Ajo kishte thënë poashtu se Pitt është baba i mrekullueshëm dhe se ata të gjithë do të mbeteshin përgjithmonë një familje.

Kërko